Ny reny

Indro tantara mampieritreritra ao amin’ny Soratra Masina.

1 MPANJAKA 3: 16-26

¹⁶Tamin’izay dia nisy vehivavy janga roa nankao amin’ny mpanjaka ka nitsangana teo anatrehany.

¹⁷Hoy ilay vehivavy iray : Tratra antitra ianao tompokolahy ! Izaho sy ity vehivavhy ity dia miray trano ; niteraka tao an-trano aho sady tao koa izy.

¹⁸Nony efa niteraka hateloana  aho dia mba niteraka koa Ravehivavy ity. Izahay Roa vavy ihany no tao ; tsy nisy olon-kafa  tao aminay tao an-trano  fa izahay roa vavy ihany.

¹⁹ Ary maty tamin’ny alina ny zanak’ity Ravehivavy ity,fa voatsindriny.

²⁰Dia nifoha mamatonalina izy ka naka ny zanako teo amiko tamin’ilay natory iny aho mpanompovavivinao, dia nampandriany  teo an-tratrany, fa ny azy maty no napetrany teo an-tratrako.

²¹ Nony nifoha maraina hampinono ny zanako aho, dia indro fa maty.Kanjo rehefa nofantariko izy nony maraina dia hitako fa tsy ny zanako naterako !

²²Hoy kosa anefa ilay iray : Tsia ! Ny velona no zanako fa ny maty no zananakao.Nefa hoy indray ny iray : Tsia ! Fa ny maty no zanakao ary ny velona no zanako.Izany no tenin’izy ireo teo anatrehan’ny mpanjaka.

²³ Hoy ny mpanjaka : Ny iray dia miteny hoe : Ity velona ity no zanako fa ny maty no zanakao !Ary hoy kosa ny iray :Tsia ! Fa ny maty no zanakao ary ny velona no zanako !

²⁴Koa itondray sabatra aho, hoy ny mpanjaka. Dia noentina ho eo anatrehan’ny mpanjaka ny sabatra.

²⁵Ary hoy ny mpanjaka : Zarao roa ny zaza velona ka omeo ny iray ny atsasany  ary ho an’ny iray kosa ny atsasany.

²⁶Nefa niteny tamin’ny mpanjaka ilay vehivavy,renin’ny zaza velona, satria nandevilevy ny fony noho ny amin’ny zanany ka hoy izy hoe :Tompokolahy ô, tratra antitra ianao ! Omeo azy ihany ary ny zaza velona fa aza dia vonoina re ! Fa hoy kosa ny iray : Aoka tsy ho ahy tsy ho anao fa zarao e !

²⁷Dia hoy ny mpanjaka : Omeo an’itsy ny zaza velona fa aza vonoina.Io mihitsy ny reniny.

²⁸Rehefa ren’ny Israely rehetra izany fitsarana nataon’ny mpanjaka izany dia natahotra ny mpanjaka izy ;satria hitany fa ao am-pony ny fahendren’Andriamanitra ho entiny mitsara.